مانيتون السمنودي - الجبتانا - أسفار التكوين المصرية. PDF

PDF أولا النص ده أساسه رواية لرجل واحد، الأب أبيب، والكتاب مافيهوش أي إشارة لأي مصادر أخرى واضحة ولا مخطوطات مثلاً ولا حتى كتب محددة بحث المحقق فيها، فبالتالي أنا مش فاهمة على أي أساس ممكن يتبني عليه أي استنتاجات أصلاً!

الحاجة التانية إن لو حتى المحقق قرر أنه يبني استنتاج أن معظم التراث العبراني مبني على نصوص مصرية قديمة وكل شوية في الكتاب يشير إلى شيء مماثل عند اليهود أو في القرآن لما هو موجود في نص الجبتانا، فأنا مش فاهمة ليه مستنتجش أن أيضا العقيدة المسيحية كلها المفروض كمان تكون مبنية على نص الجبتانا للتشابه الجلي بين قصة أوزيريس والسيد المسيح في العقيدة المسيحية!
يعني مادام قرر يستنتج حاجة من النص الغير موثق ده، يبقى المفروض يكون عادل في استنتاجاته دي.

لو اعتبرنا إن النص ده صحيح، فبرده النص نفسه بيبين إنه مش هو أصل التراث العبراني زي ما المحقق بيقول ولا أصل أي حاجة، لإن في النص نفسه إشارات إلى "الأنبياء الغابرين" و"نصوص ما قبل الطوفان" يعني النص نفسه بيقول إنه مش هو أول النصوص المقدسة وبالتالي أكيد هو مبني على ما قبلها.

ولو اعتبرنا إن ده نص مصري قديم، فالحقيقة إن من الواضح إن المصري منذ القدم متربي إنه ميفكرش نهائي في أي حاجة لإن كل حاجة بيعملها بيكون في واحد بيقوله أنه لازم يعمل الحاجة دي علشان ده وحي إلهي.
يعني واضح إنه احنا إللي اخترعنا فكرة "احشر الدين في كل حاجة ومتفكرش خالص"
ده أوزيريس لما قالهم إنه هيوسع دار المرضى، يعني المستشفى، متكلمش بالمنطق وإن ده مثلا هيخليها تخدم قطاع أكبر من الناس، الراجل قال إنه جاله وحي إلهي بتوسيع المستشفى وطبعا الناس تنفذ علطول. يعني مش بيتعب نفسه يكلم الناس بالمنطق ويعودهم على التفكير.
فإذا كان النص ده أصل لأي حاجة فهو أصل لتأليه الحاكم وتسيير الناس بمنطق الحلال والحرام وتعطيل العقل عن وظيفته.

Tags: download, مانيتون السمنودي, ebook, pdf, الجبتانا - أسفار التكوين المصرية

download مانيتون السمنودي الجبتانا - أسفار التكوين المصرية PDF

Download from mirrors